അമ്പംകുന്ന് കോയക്ക മജ്‌ലിസ്

അല്ലാഹുവിലും അവൻ്റെ മലക്കുകളിലും ഗ്രന്ഥങ്ങളിലും ദൂതന്മാരിലും പ്രവാചകന്മാരിലും ഖളാഅ് ഖദ്റിലും അന്ത്യദിനത്തിലെ അഥവാ പുനരുദാനദിനത്തിലെ വിചാരണയിലും തുടർന്നുള്ള രക്ഷാശിക്ഷകളുടെ ഭാഗമായി വിധിക്കപ്പെടുന്ന സ്വർഗ്ഗ നരകങ്ങളിലും വിശ്വസിക്കുന്നവർ ഏത് ഇമാമിൽ വിശ്വസിക്കുന്നവരായലും ഏതു സംഘടനകളിൽ പ്രവർത്തിക്കുന്നവരായാലും ഏതു മദ്ഹബിൽ വിശ്വസിക്കുന്നവരായാലും ഏതു ത്വരീഖത്ത്കാരായാലും;

അല്ലാഹുവിലും അവൻ്റെ പ്രവാചകരിലും പ്രവാചകർക്ക് നൽകിയ ഖുർആനിലെ നിയമവിധി വ്യവസ്‌ഥകളിലും വിശ്വസിക്കുന്നവരോട് അല്ലാഹു ഖുർആൻനിലൂടെ വിളബരം ചെയ്യുന്നു: സത്യവിശ്വാസികളേ, നിങ്ങൾ അല്ലാഹുവിനെയും അവന്റെ ദൂതനെയും നിങ്ങളിൽ നിന്നുള്ള അധികാരസ്‌ഥന്മാരെയും അനുസരിക്കുക. ഏതെങ്കിലും കാര്യത്തിൽ നിങ്ങൾ ഭിന്നിച്ചാൽ അത് അല്ലാഹുവിലേക്കും റസൂലിലേക്കും നിങ്ങൾ മടക്കുക. (സൂറത്തുന്നിസാഅ് /59).

നന്മയും തിന്മയും നിറഞ്ഞ നമ്മുടെ ഇഹലോകജീവിതം സത്യമായതുപോലെ നമ്മുടെ പരലോകജീവിതവും സത്യമാണ്. അതുകൊണ്ട് നിങ്ങൾക്കു കഴിയും വിധം അല്ലാഹുവിനെ സൂക്ഷിക്കുക. (സൂറത്തുത്താഗാബുൻ/16).

നമ്മുടെ ഇഹലോക ജിവിതത്തിൽ നമ്മൾ അറിഞ്ഞോ അറിയാതെയോ ചെയ്‌തുപോയ എല്ലാ നന്മതിന്മകൾക്കും വിധി പറയുന്ന ഒരു ദിവസം; അന്ത്യനാൾ അഥവാ പുനരുധാനത്തിന്റെയും വിചാരണയുടെയും നാൾ; ഓരോ നന്മക്കും അതിനനുസൃതമായ പ്രതി ഫലവും; ഓരോ തിന്മക്കും അല്ലാഹു ഉദ്ദേശിക്കുന്നവർക്ക് മാപ്പ് നൽകുകയും മാപ്പ് നൽകാത്തവർക്ക് അതിനനുസൃതമായ ശിക്ഷയും വിധിക്കുന്ന ഒരു ദിവസം വാരാനിരിക്കുന്നു. അതും സത്യമാണ്. നന്മ നിറഞ്ഞ ജീവിതം നയിച്ച നമ്മുടെ ആദിപിതാവായ ആദം (അ) ഭൂമിയിൽ വരുന്നതിനു മുന്നേ ജീവിച്ചതും അവർ നേരിട്ട് കണ്ട് അനുഭവിച്ചതും സന്താനങ്ങക്ക് അനുഭവങ്ങൾ പങ്കുവെച്ചതുമായ സ്വർഗ്ഗവും സത്യമാണ്. അല്ലാഹുവിലും അവൻ്റെ ദൂതനിലും അവിടുന്ന് കൊണ്ടുവന്ന പരിശുദ്ധ ദീനിലും വിശ്വസിക്കുന്നവർക്ക് അല്ലാഹുവിൻ്റെ ഔദാര്യത്താൽ കോയാക്ക ക്രോഡീകരിച്ച ദിക്റുകളും സന്ദേശങ്ങളും ഉപദേശങ്ങളും എത്തിക്കുകയാണ് ഈ വെബ്സൈറ്റിന്റെ ഉദ്ദേശ്യലക്ഷ്യം.

ഈ വെബ്സൈറ്റ് കൊണ്ടുദ്ദേശിക്കുന്നത് ഇത് കാണുന്നവർ ഇത് ഓരോന്നും ശരിക്കുമനസ്സിലാക്കി അതിനനുസൃതമായി ജീവിതം നയിക്കാൻ പരിശ്രമിക്കുന്നവരുടെയും നമ്മുടെയും പരലോകവിജയവും അല്ലാഹുവിന്റെ ഔദാര്യമായ തൃപ്‌തിയും മാത്രമാണ്.
ഇതുകൊണ്ട് ഭൗതിക ലക്ഷ്യങ്ങളൊന്നും ലക്ഷ്യമാക്കുന്നില്ല.

ഇഷ്ടമുള്ളവർക്ക് വശ്വസിക്കാം.
ഇഷ്ടമുള്ളവർക്ക് നിരാകരിക്കാം.